Tuesday, May 29, 2007

واللي يحب يتأثر

الوزير الجراح يحبكم على راسكم ويعتذر.. بعد شتبون؟
مسموح
.
وبعكس بوقات بعض الناس، فإن سرقات محمد عبد الوهاب (الموسيقار المصري برتبة لواء، مو الشيخ السعودي) زي العسل على قلبي
.

Venice, 1994
عنوان هذه اللوحة: وايد ودّي أسافر
.
آه لو كنت معي نختال عبره
بشراع تسبح الأنجم إثره

.
You cannot devote your full concentration to your job when you’re hungry. Why did I skip dinner?

14 comments:

Fahad Al Askr said...

على الأقل عبد الوهاب خاطب قلوبنا وقدم شيء للأغنية العربية وللتراث البشري

iDip said...

الحين خلينا من عبدالوهاب

و شوفي لنا
Papillona

اش قصتها!؟... نبيها واسطة
حاطه شاهد على بلوجها

وترى هذا أمانة تساءلين عليها يوم لا ينفع مال ولا بنون* اللهم هل بلغت اللهم فاشهد

*بنون: جمع مذكر سالم، ولا عزاء للمؤنث

Broke said...

شروق

لوحتك اتيـنن و ألوانها روعة ..وايد حبيتها

I'm dreaming of buying one of yours , terthain ?

Anonymous said...

شفيه محمد عبد الوهاب؟
شمسوي بعد؟

مشكورة شروق

راعيها said...

يقولون ان الجراح كان زعلان وايد .. قام دعيج الشمري و دز له أغنيه بالتيلفون .. الأغنيه كانت حق غريد الشاطيء الله يرحمه
مسموح ياللي تعذرت
مسموح لو ما تعذرت

خوش لوحه .. و اللوحات اللي في مواضيعج السابقه كانوا ممتازين أيضا .. أنا كان ودي يكون عندي موهبة الرسم .. و مره فعلا اشتريت ألوان مائيه و حاولت أرسم الغروب .. عقب نص ساعه زوجتي شافت الرسمه و قعدت تخانق عيالي اليهال ( منو اللي قاعد يشخبط على ورق بابا جذي) .. حدي إندقرت .. رحم الله امرىء عرف قدر نفسه

q8y8 كويتي8 said...

الجراح ودعيج سالفتهم سالفه

أتشرف فيكم بمدونتي المتواضعه وبتشوفونهم منورينها قصدي مظلمينها

http://q8y8.blogspot.com/

تشرفت بتواجدي بمدونتكم الجميله

nachla said...

شروق انت قد هالكلام
راح اتزعلين اهل ام الدنيا اذا اسمعوك
خصوصا انهم مقتنعين ان الريال ابدع وما باق

Alia said...

آنا كويتية حتى النخاع .. وتعلمت على مر السنين إنني ما أرضى ولا أسامح إلا إذا عطاني منحة وزارية مليون دينار

nickname said...

أنا صار عندي ملل

من أخبار سرقات المال العام

سياستي الحاليه

ريّح بالك

فلوس الحكومه مو فلوسك

و صرت مؤخراً ما أتحسر عليها

حليب ككاو said...

بوست مخرررررربط

ومافي شي له شغل بشي

جنتش راشه مرقة ربيان

على نينو ال فونجي

يخخخخخخخخخخخ

_______________________

بالآخر كلنا نقول الليله مجتمعين

والسمره ام الكوول

والبيضه كلها طحين

يوو

اجار الدين كشمش said...

شروق....الصوره الوانها عجبه....المهم الاخت بروك"طلبت شراء هالوحه ....اذا عندج رغبه او مبدأ البيع....انا معاها ولكن مش هالوحه....."انا شراي للوحة وجه فقط وجه البنت الصغيره....لا اذكر الحين في اي بوست كانت ولكن اعتفد في سنة 2005 ....."طبعا مااعرف الاسعار لكن خلي سعر لوحتج معقوووول....." مو الطقينا بالعالي....وانا خبري بالسياسيين فاشلين بالتجاره.." انشالله انا للحين على خبري....."

kila ma6goog said...

مو ناوية تسوين معرض؟

Shurouq said...

Fahad al Askr
اي والله

iDip
بابيونا ما فيها إلا العافية.. وسؤالك عنها فرحها

وإي.. تمام، هذه نظرة نسوية تقدمية ما عهدناها.. يعني البنات يومها ينفعون
:P

Dear Broke
تعليقك عندي بروحه يستاهل عشر لوحات مو وحدة، بس آنا ما تعودت أبيع لوحاتي.. يمكن إذا احترفت الرسم ذيك الساعة أقدر أبيع أو أوزع

:** مشكورة وايد

Anonymous
ما سوّى شي.. الله يرحمه ويبشبش الطوبة اللي تحت راسه

راعيها
lol
زوجتك غلطانة طبعا

ما حاولت ترسم مرة ثانية؟
ترى الألوان المائية صعبة مو سهلة

كويتي 8
حياك الله :)

Nachla
آنا مقتنعة انه باق وأبدع في نفس الوقت

وإذا أحد اتهمه بالبوق بدون الاعتراف بموهبته ممكن تصير المسألة شخصية.. يعني أزعل واطنقر وما أطب بيتهم

Alia
تستاهلين مليون وربع أفا عليج
:*

Nickname
ماكو شي اسمه فلوس الحكومة.. هذي فلوسك وفلوس عيالك

والحكومة انوجدت علشان تخدمك انت وعيالك
أو على الأقل هذا المفروض

حليب كاكاو
:) اي والله صدقت.. مخربط، مخربط

والسمرة أم الكول

أجار الدين كشمش
عرفت اللوحة اللي تبيها، وردي هو نفس ردي على بروك

ما أبيعهم، قلبي ما يطاوعني

بس وايد مستانسة من كلامكم.. خليتوني أصدق عمري

أما عن أسعار اللوحات عموما، فعمري ما عرفت شلون يقيمونهم.. وودي أعرف

Ma6goog
لا والله.. هذا معرضي

مريح وتقدر تشوفه وانت قاعد ببيتكم :)

راعيها said...

لا والله ما حاولت أرسم الا عقب مده .. و لما فتحت علبة الألوان المائيه لقيتهم نشفوا .. قلت خلاص هذي رساله من القدر تقولي ترى انت مو مال رسم