Monday, February 16, 2009

Estranged

.
اعترافات بعد منتصف الليل:
نعم، تابعت حلقة بو خرشد الأخيرة التي اشتكى فيها من العمالة المنزلية داعيا إلى تفتيش شنطهم بحثا عن أعمال السحر، ومتابعتهم بكاميرات الفيديو، ومراقبة ما يستهلكونه من طعام! كما تابعت قبل ذلك بو عيدة ورفاقه على قناة سكوب، والعبد الجليل و"تقاريره" على قناة الوطن، وهم يتملقون ويعلون من شأن الكويتي حتى ظننتهم يتحدثون عن كويتيين غير اللذين نعرفهم.. وهي نبرة مماثلة لما أسمعه أحيانا على محطة المارينا في برنامج الديوانية
.
أتابع كل هذا لأن لدي فضولا وانبهارا مستمرين بالريشة اللي على راسنا
.
تغيرت الكويت
.
تمنيت وأنا أقرا سلسلة ديوانيات الاثنين في الجريدة أن أتابع تلك الأحداث على قناة تلفزيونية يتفاعل معها المشاهدون كما يتفاعلون مع أنور وبداح داعين لإسقاط القروض مثلا..

تغيرت الكويت وتغير الكويتيون كثيرا منذ عام ١٩٩٠ فجاءت السلسلة بالصور وبلقطات الفيديو المرفقة لتبعث شعورا ملتبسا يحمل القليل من الأمل والكثير من الدهشة والاستغراب والبحث المضني عن ما يجمع بين هؤلاء الرجال (والنساء، وإن لم يظهرن) ببساطتهم وتوازنهم وحسن تقديرهم واحترامهم وعاطفتهم الصادقة وبين رجال ونساء يمثلون شعبنا اليوم
.
كيف فقد الكويتيون تحضرهم ولطفهم وثقافتهم؟
.

59 comments:

عاجــل said...

بإختصار

بسبب المد الأصفر

Anonymous said...

I Keep telling everybody that "the kuwait" we grew up to love does not exist anymore...

Sad, but true....

MM

Anonymous said...

شوفة النفس والاعتزاز الزايد لم يأتى الا بعد صدمة الغزو

وبالتحديد ووقف أغلبية العرب الى يومنا هذا ضدنا وقد ساهم الاعلام فى ترسيخ هذا المبدأ العنصرى ، عندما تشعر أنك لوحدك فأنت تضطر لأن تكشر أنيابك

وهالانياب ما يت من فراغ

Fahad Al Askr said...

اخصرتيها يا صديقة

الكويت تغيرت

حسون الملعون said...

الكويت الحين مو الكويت اللي كنا نعرفها قبل

كل شي تغير فيها حتى الناس ماعادوا نفس الناس الاوليين

بس من صجج تطالعين وتتابعين هالاشياء؟
شروق مو زين لصحتج

انا فاك عمري من كل هالاشيا, لا جرايد ولا محطات هابطة واذا قاموا الربع يسولفون عن هالاشيا وهالظواهر الدخيلة لووول ساعتها اهدهم وامشي

انتي عندج موهبة الرسم, ليش ما ترسمين؟

AyyA said...

شروقه
عرفتي ليش اقول مابي ارد للكويت، ابي الكويت ترد لي؟
بوست في الصميم، من زمان ما قريت لك بوست بهالقوه. الظاهر بدأ المد الاصفر، علي قوله الحبيب عاجل، يؤتي أكله في خلق المدينه الفاضله

Arfana said...

حتى الكلام تغير وصرت ما أفهم شيقولون

أهم شي بوخرشد لا ياته مكالمة ونقز من مكانه


تلوميني عالهجرة؟

Diver said...

كنا بالدوانية قبل جم يوم نتكلم عن اغنية ياجارتي سيعود
و بعد المديح بالاوبريت كاملا و الابداع الكويتي بالكلمات و الالحان و الغناء يتني ضيقة لان الشي الي احنا قاعدين نمدحه صار عيب الحين و حرام و يرقى انه رئيس الوزراء مو بس يستجوب لا يرجم حتى الموت بسببه

الكويتيين الي احنا نتكلم عنهم او خلينا نقو لاكويت الي احنا نتكلم عنها تغيرت راحت و اتمنى مو للابد

تدرين صارلي جم يوم اول اليهال الصبح و كل ما اقعدمن النوم الاغنية الي تطري على بالي اهي احنا عشقنانا وايد عشقناها من يوم فتحنا على الدينيا

مع الشكر

Organic Kuwait said...

how lost it ... there are some theories..
the question is : HOW DO WE GET IT BACK

chandal/danchal!! said...

السبب الأول والاخير

و.ط النائب الكيــــفاني

I7na 3shagnaha said...

صج إن كل شىء يضيق الخلق..لا الناس اهي الناس و الأطباع تغيرت. بس ليمتا بنقعد و نتحلطم على ذيييييك الأيام!!!! كلنل حاسين في المشكله بس محد فكر يسوي شي حق الكويت,الكل يتحلطم أو يتهرب

عثماني said...

صح السانج

فعلا الديرة مو ديرتنا اللي انعرفها قبا الغزو

حتى الاشكال تغيرت

احس انها مو ديرتي

Mr. Thouq said...

اياك واليأس من وطنك

sologa-bologa said...

كيف فقد الكويتيون تحضرهم ولطفهم وثقافتهم؟


الدولة كانت تصرف على بيت شعر يكتبه عبدالله العتيبي ويلحنه غنام الديكان وتغنيه سناء الخراز مع شادي الخليج
الحين الدولة تصرف ملايين على مركز الوسطية الاسلامية وندوات كيف تتلذذ في صلاتك وغسل الموتى وعذاب القبر


كان مفهوم الديمقراطي يعني عزة وكرامة ومشاركة في القرار السياسي
الحين صار مفهوم الديمقراطية وسيلة لتخليص الواسطات والمعاملات والصراعات


كان المدرس يضرب الطالب لأنه ما فهم الدرس الحين الطالب يضرب المدرس لأنه نقصه علامتين

كانت شهادة الدكتوراه تعني العلم الحين تعني الوجاهة والبرستيج

كان استقدام العمالة الوافدة بهدف الاستفادة من خبرتها وسد النقص اللي عندنا
الحين تحولت العمالة إلى تجارة اقامات

كان الابداع يعني تقديم شي مميز للبلد الحين الابداع حرام لانه ضلالة وكل ضلالة بالنار

كنت افتخر وارفع راسي لان صقر الرشود حصل على جوائز عربية
وفيلم بس يا بحر حصل على جوائز عالمية
وسعد الحوطي رفع كأس آسيا
وفيصل الدخيل وعبدالله البلوشي سجلوا اهداف في كاس العالم
كنت افتخر لان الكويت كانت تضم اشهر المفكرين والادباء واحتضنت اكبر الكتاب في العالم العربي
كنت افتخر لان سامي محمد من اشهر الفنانين التشكيليين على المستوى العالمي

الحين افتخر وارفع راسي على شنو!!!
والامثلة وايد ما تخلص

المشكلة الحقيقية بالانسان وتفكيره
وبس مافيني حيل اكمل

nEo said...

الحاجة

Shurouq said...

أصبحنا وأصبح الملك لله
آنا قلت التعليقات بتغلطني وتخليني أعيد النظر وأشوف الجانب المشرق من تطورات المجتمع الكويتي

عاجل
قصدك غبار ذاك اليوم، مو؟ :)

MM
Yes.. We're stating the obvious hoping someone will prove us wrong.

Anonymous
يمكن لو صحب هذا الاعتزاز وشوفة النفس بناء حقيقي للدولة وللإنسان لما اعترضنا

شعوب أخرى تعرضت لصدمات أكبر ونهضت.. احنا بس اللي اخترنا أن نستمر في لوم عرفات والقذافي والمثقفين العرب على سوء تربية أبنائنا

أخشى أن تكون الأعراض أبعد من آثار صدمة الغزو

Fahad Al Askr
اي.. وصار عندنا فليك، مو مثل أول نوصي عليه من لندن

حسون الملعون
أدري مو زين والله.. بس لازم نعرف الناس شلون تفكر

ما عندي ثقة بموهبتي ولا أحب اللي أرسمه

Ayya
بس احنا ودنا تردين لأننا مشتاقون :**
ردي عشان نقعد مع بعض ونتحطلم على تردي الأوضاع.. ونااااسة

Arfana
اي.. ألومج لأني محترة

Diver
كلامك ذكرني بمقالة لمى العثمان الأخيرة
ختمتها بأحلى كلمات غنتها سناء الخراز

Organic Kuwait
I don't know. Let's start by setting good examples for our children.

Chandal/Danchal
الطبطبائي بالنسبة لي هو مثال واحد لخياراتنا السيئة، ولكنه ليس الوحيد

I7na 3ashagnaha
والله معج حق.. آنا دايما اتحلطم وبعدين أتحسف

عثماني
تظل ديرتنا
يمكن لازم نتعلم نتقبل التغيرات اللي صارت

Mr. Thouq
وسنعيدها كما كانت؟

Sologa-Bologa
كأنك سامع كلامنا قبل قليل.. كنا في سيرة التلذذ بالصلاة وكنت ألوم الشيخ جابر رحمة الله عليه على اللجنة الاستشارية العليا لاستكمال تطبيق أحكام الشريعة الاسلامية

ولا تكمل
صوتك وصل

Shurouq said...

nEo
أم الاختراع؟

Soud said...

الديرة راح ترجع مثل اول واحسن بسواعد ابنائها وبناتها

عاجــل said...

بالضبط

ZooZ "3grbgr" said...

خل نتخيل الديره صالة كبيره

يمكن يكون تشبيه طفولي بس ما عليه

واللي بنوها وكبروا معاها اهم اللي كانوا بالصداره

وشوي شوي بدوا غيرهم يوقفون ويطلعلهم حس

واحنا اللي نبيها تعلى مثل اول واحسن

بعد اللي قاعد يصير

جزء منا قرر يطلع

وجزء قرر يقعد بالزاوية

ويغمض عيونه اللي فيها دموع وحسره

ويقول اخذوها اخذوها

ما عادت مثل اول

هل هذا اللي نبيه؟؟

نتركها لهم ونقعد بالزاوية نندبها

ولا نهج عنها وننساها؟

ما أحب البوستات المتشائمة

نقدر نعطي دفعة أمل يديدة

عيل ليش احنا شبابها

نخليها لهم؟؟

آنا عن نفسي ما راح أخليها

شرووووووووووق

لي رحتي الدوام الصبح وانتي تمرين على أعلام الكويت ترفرف بهالجو ما يفز فيج كل حس وطني؟؟

ولي رديتي من الدوام تعبانه وشفتي علمنا يرفرف وتذكرتي الغزو وشلون كنا نخش العلم ونطلعه بالبوقه نبجي ما تحمدين الله؟؟

بسنااااااااااا بوستات يأس

الكويت لازم تصير أحسن

لا ترد مثل أول

تصير أحسن

وتطظل بدمنا

:")

Shurouq said...

Soud
البركة فيكم

Zooz
حبيتج :**
وآنا آسفة

ma6goog said...

الجهل

التجاهل

الجهالة

ZooZ "3grbgr" said...

حبيبتي انتي

:**


مطقوق

آخرتها شنو؟؟

المجهــــــــول


@@

iDip said...

الشكوى لله وانا أخوك

لقد تحولنا من الاختلاف إلى الخلاف
فعندما كان الجميع يهتم ويستمتع باختلافه رغم الخلافات
أصبحنا نعيش الخلافات

وأصبحنا بعد التحرير، وبأثر رجعي، نعتقد بأن الكل متآمر علينا ويرغب في الغدر بناأو مص دمائنا وأموالنا

فنحن خير شعوب الأرض وأكرمهاوأطيبها
اسم الله علينا

على فكرة
هذا الداء، أو المتلازمة
syndrome
يوجد في كثير من دول العالم التي تعتقد بأن لديها غنى في المال أو الموارد أو حتى الجغرافيا والتاريخ
ولكنها استشرت لدينا مؤخرا بشكل مقرف

iDip said...

عاجل
Ayya
Shurouq

المد الأصفر... هو ايه ده!؟

iDip said...

Ma6goog,
يقول المتنبي
ذو العقل يشقى في النعيم بعقله
و أخو الجهالة في الشقاوة ينعم

Shurouq said...

Ma6goog
صاير حكيم.. شيّبت؟


iDip
تعليقك أسايد
اسمك خوفني فأعدت قراءة ما كتبته فوجدت خطأ لغويا فصححته فشكرا

أما المد الأصفر فهو، حسب فهمي، مد الانحدار الحضاري

Anonymous said...

Kwaitis of the 70s still exist bes kelish maibainon in the media. Don't let the failures that we acknowledge as "the Kuwaiti media" and a broadcaster fel radio eyghayer rayech in Kuwaitis, 7aram!



I hate the religious wave; it rendered people blind .. they don't understand "culture" and "interests" and "passion" and "purpose of life". They're oblivious to SO MUCH in life I don't even know if we can call theirs a life .. :(

سبمبوت said...

والله صدقتي صدقتي صدقتي
أموت وألمح الريشة .. لو مرّة وحدة في حياتي بس .. مرة وحدة بس!!

Alia said...

أمس بس كنت أسولف مع أخوج وأقوله
ودي أخلي اليهال يحسون فعلا بالعيد الوطني، مثل ما إحنا "كنا" نحس فيه ونحبه .. أبيهم يحبون الكويت ويشوفونها مثل ما إحنا نحبها بالرغم من يأسنا

قال لي كلمة عورتني
قال: الكويت اللي نحبها راحت خلاص
I wanted to cry

Anonymous said...

3bali bs ana eli lay3a chabdi men deerty o faqadt el amal...

kil shay taghayr...
7ata 7ubi laha..

Bad-Ran said...

"اطربني غناء فرقة معيوف في حفل زواج اقيم في صالة الراية، ووقفت طويلا استمع الى الغناء والتصفيق المنبعث من اياد خشنة من حبال البحر، رأيت هناك الأخ الصديق عبدالعزيز المفرج (شادي الخليج) قال لي معلقا: هذه هي الكويت، اغاني البحر. قلت معلقا: نعم انها الكويت الحقيقية قبل ان تزحف الصحراء عليها لتشوه وجهها الاصيل!"

محمد مساعد الصالح

almaqwa3 alsharqy said...

سيدتى
كنا فوق الاحتلال
واصبحنا بجداره تحت الانحلال
اصبح ولد الديره غريب الوجه واليد واللسان
لييش
من ردااانا
سكوتنا عن التحالف الدينىالقبلى الحكومىطوااال ثلاثين سنه
وما تبعه من تجنيس وفسادوتخريب
وتفتيت
وتشويه لكل مكتسباتنا
كنا نقول خبزن خبزتيه
والحين كلنا غاصين بهالخبزه
قلبى عورررنى

bo shnan said...

آآآآآآآآآآآآآآخ
فلبتي المواجع يا شروق .. فتحملي قرقتي

حسيت اني قاعد اسمع اغنية وطني النهار و انا اقعد اقرأ بوستج .. و بغيت ادمع

وين هالبوستات الطيبة من زمان
ادري ما راح نغير شي .. بس لا تحرمينا من الحنة .. اذا قاعدين نشوف الديرة تروح و مو قادرين نسوي شي على الاقل نبي نتحلطم ونبجي على ديرتنا

بعدين اذا نبي نتكلم بصراحة انتي بعد قاعدة تصورين شعب الكويت قبل الازمة
كأنه شعب الله المختار

الطائفية و التفرقة العنصرية موجودة من اول نشئة الكويت

وين راح الشعب المثقف الخلوق من الازمة لليوم
مو اهو نفس الشعب الي روحه انهزامية و تخلى عن الكويت حق خفافيش الظلام
على سبيل المثال
يا شروق وين راحت الروح اليبرالية الحقيقية الي كانت عندج انتي وربعج
المدونين بال2005 لي 2007
وين ابو الحفص و الا نبيذي
و غيرهم وغيرهم
يأسوا لانهم ما غيروا العالم بعد سنتين تدوين؟؟؟؟؟؟
و صار الكل يتكلم عن الهجرة من الكويت و ترك التدوين
الله يلوم الي يلومهم

اياك و عدم اليأس من وطنك

bo shnan said...

يا جماعة الخير لا يصيرون البدو شماعة
الطبطبائي و الصانع و عاشور و السلطان و عبد الصمد من وي طالعين؟

AyyA said...

iDip
المد الاصفر هو مد ياجوج و ماجوج

شروقه
صبرت كثير، و انا بنت السبعينات و مو بنت اليوم، اللي يصير اليوم ما افهمه و لا ابي افهمه و اعذره، و ما اقدر اسكت و اقول يالله السلامه و الجود في الموجود، و الله لا يغير علينا.حتي الناس القراب مني ما عدت افهم لغتهم. و عندما يصل الانسان هذه المواصيل يكون الرحيل هو الحل الوحيد، و لكنه لا يعني السكوت. بل بعدي خلاني اري الامور بشموليه اكثر، و لازلت محاربه و حتي اخر رمق فيني، و لكن بطريقتي الخاصه، و راح تبين لك الايام اني ما نسيتكم. لازم تعرفين كم انا صبوره، اما التحلطم فانا ما احبه و لا احب ممارسته مع اني غايصه فيه. ولدي يقول لي عندك الدنيا كلها اهني ليش معوره قلبك؟ اقول له مو بيدي، قلبي مجروح. و لكن اوعدك و وعد الحر دين اني راح اجي الكويت و اتلاقي معاك يالحبيبه، و يمكن يكون اللي قاعده اسويه قطره في بحر، لكن حتما سيكون له دوي، و انا مو خايفه ابدا

Deema said...

اللي صوته عالي ينسمع

f7ee7eely said...

IIIIIIIIIIIIIIIII AAAAAGGGGGREEEEE WITH YOU WHOLEHEARTEDLY 3AMMETY SHUROUQ....the Kuwaitis I know of are humble,kind,hospitable,tolerant and approach life with humility..I am truly saddened by this breath of prejiduce some people have and are still trying to instill in the new generation of Kuwaitis

DiLLi O MiLLi said...

الكويتين اللي خبرج ما تغيروا
بس حاشهم حالة احباط من الحالة اللي وصلت لها ديرتهم
وهالي تشوفينهم ألحين .. من عمرهم موو متحضريين ولاااا متثقفين
وهذي غلطة الكويتيين اللي خبرج .. تنعزوا وتركولهم الديرة

على كثر ما أنا ضااااايق خلقي على ديرتي
لاااااا زاااال عندي أمل أنها راح ترد مثل ما كانت وأحسن

ولا شرايج ؟

:)

اجار الدين كشمش said...

بعد ما شفنا شئ

الوعد بعد 15 سنه

يحق لهم ان يقولون لج
قفي او اوقفوا عند حدكم !!!!1

الكويت للجمييع ...انتوا

كل افضالكم انكم

جيتوا قبلنا واحنا الحين

صار لنا مثلكم عندما كنتم شعب الكويت في 1990
لاحظي سنة ال90 ماراح يقولن لج حتى سنة ال60

تذكري كلامي مو تنسسين
ترا راح اعرفج حتى لو انج لابسه برقع

فمالله

Anonymous said...

Shelsalfa @@ sheno sayer bel kuwait? :p

حسون الملعون said...

شروق مو الابداع يتجلى بأحلى صورة مع المعاناة؟
انتي مبدعة بالرسم, وهذي موهبة مو متوفرة عند كل واحد

طلعي هالمعاناة والتحلطم برسوماتج
وانا مستعد اشتري لوحاتج لو فكرتي تسوين معرض

فير إيناف؟

ماعندج الوان وفرش وقماش؟
خلاص نسوي لج حملة ونييب لج هالادوات

مالج عذر الحين

:)

بغيت أهدي لج اغنية

علي صوتك بالغنا لسة الاغاني ممكنة

بس للاسف ماعندي الرابط لها

حمودي said...

كنت اول اتمنى ان لا يصل الحال فينا مثل مصر لكن اكتشفت ان احنا اسوا

du3aijiah said...

مــا أقـــول إلا
.
.
.
.
.
.
.
.
.
.
.
عـــمـــار يــا كــــويـــت

Shurouq said...

Anonymous
I'd like to think so too.. That it's just the media and that the "Kuwaitis of the 70s" as you called them are keeping a low profile.

سبمبوت
مرحبا بك في عالم المدونات :)

Alia
آنا صار لي سنة مواعدتهم أوديهم كلر مي ماين، إذا رحنا أخليهم يرسمون علم الكويت، وإذا تبين أعطيهم حصة تاريخ وتربية وطنية هم ما عندي مانع

وبف ذا ماجيك دراغون

Anonymous
بعدنا نحبها، وعساها تتغير للأحسن
دوام الحال من المحال

Bad-Ran
بغض النظر عن نظرية الزحف الصحراوي، أغاني البحر جميلة فعلا، وماكو أحلى من النهمة

Almaqwa3 Alsharqy
سلامة قلبك

Bo Shnan
لا، آنا أتذكر تماما طائفية الثمانينيات اللي لازمت الحرب العراقية الإيرانية، أبدا ما كنا شعب الله المختار، بس حتى في ذاك الوقت كانت لغة الكويتيين مختلفة، شكلهم مختلف، واهتمامتهم مختلفة

وبالتأكيد لا ألوم البدو، أولا لأن البدو متنوعين (وعندهم جمال ساحر وعيون فتّانة :))، وثانيا لأن التغيير اللي أتكلم عنه من انخفاض مستوى الوعي إلى افتقار اللباقة في الحديث والتعامل اليومي يشمل كل فئات المجتمع

وهذا لا يمنعني من انتقاد سياسات التجنيس اللي رجحت كفة البدو على حساب الآخرين فخسرنا التنوع الثقافي اللي كان سيوسع مداركنا، وطغت البداوة (وهي ليست سبة بالضرورة) على مجتمعنا

Ayya
أنا في انتظارك :*

Deema
صدقتي

F7ee7eely
لا تصغر عمرك (ريدز: لا تكبرني)، آنا مو عمتك

Dilli O Milli
عندي أمل لا ينقطع وتفاؤل لا يموت
الوضع الحالي هو المزعج، بس أكيد قابل للتغيير

أجار الدين كشمش
أبيه برقع طالباني أزرق ومشخل

Anonymous
رشنا النفط :P

حسون الملعون
واصلة :)
آنا من معجبات محمد منير رغم الطنازة المستمرة من الأهل والأصدقاء، وعندي كل أغانيه تقريبا

والرسم ينطر إلي ما بعد التقاعد، لما المعاناة تنضج وتصاحبها آلام الروماتيزم وهشاشة العظام

حمودي
مصر كبيرة ومشاكلها أكبر.. احنا ما نقايش

Du3aijiah
عمار عمار عمار :)

F. said...

I didn't get to live in much of the old Kuwait, unfortunatly, but I have my theories:
The mentality has changed...and I do think it has something to do with the Iraqi occupation.
The effect of falling and then rising with little help from "friends" created a wave of negative pride which is "Ana Kuwaiti o 3ala rassi reesha..."
I also believe that our media has been painting life a lovely shade of pink a la Edith Piaf! They insist on ensuring the people that everything is great, fine and dandy even when it's not. This most probably is an ongoing post-war trend that sought to reinstall a sense of security and safety in the country. And this "brainwashing" has dragged people away from being active citizens, knowledge-seekers etc. "Ilmad ila9far" as they say.

How can we change this mentality? There are probably many ways to do this, but any which way we choose to do it, I think it'll take as long to fix as it took to destroy it initially. The key is not to lose hope...

The Simper said...

i simply think we don't have 7ATHARA now.. i am not discussing the past, i mean CURRENT 7athara for now.. simply there is NON! non to be left for the future if we could leave some!

ana hatheek ele kelmara ayee ehni :( said...

bas 3ad bas :(

khal nakel kakaw o enshof tv shows o nel3ab o nestanas :( bala politics o madry sheno o madry sheno o madry sheno

hadawy said...

هاي
بصراحة الكويت ما تغيرت ولا شي انا اعتبر اللي يتكلمون على هالقنوات ويتشكون هذيل مو مواطنين هذيل مستوطنين , يتكلمون عن ازدواجية الجنسية وهم مزدوجين في ولائهم وشخصياتهم وآرائهم

مافي شي اسمه ولد بطنها وولد ظهره وولد الغسالة !!!

في ناس ما عندهم حتى جنسية يخافون على هالبلد مثل عيالها ...

لازم نوقف هالمرتزقة عند حدهم
كل اللي يبونه هو دعايات وبلبله مو تغيير في البلد

واعذروني اذا طولت

شكرا

المتهـافت said...

كانت مدينتنا ذهب ذهب والناس للناس
يابتها ربااب محد شخص الحال مثلها

عموما انا ما احب التحلطم وترى في كل زمن كان ينقال الله يستر من هالزمن مو شي يديد

وعاشت شروق :)

حرف said...

ثقافة الجاهلية تحاصرنا من كل صوب

من البيت والديوانيه والتلفزيون والجريدة والدوام


فأين المفر ؟

Bu 6ubar Lost His Account said...

Rajaa Muhamed looks like you!

Anonymous said...

I agree with Bu 6ubar. I always thought you look like Raja Muhammad.

احمد سالم said...

شروق
إلي صاير إنخطاط بالأخلاق شئ مخيف

Splash said...

Greetings,

Just for your information, if you like to expand your blog and get more traffic, add it to the new Kuwait Directory www.Q80.biz you can add your Blog under Social category.

Good Luck

hanan said...

اندمجت مع رجاء محمد. أبي بعد
صج زمن غير
this is such a gloomy post, made even glooomier by the response of other blogger. It's so sad that many of us see this deteriorating state but no one can do anything about it.
Gloria Anzaldua says "Nothing changes in the "real" world unless it first happens in the images in our head." Maybe these gloomy images in our head is where we should start.

عادل الكويتي said...

ضربتى على الوتر الحساس
من كثر التعليقات و مافيها يدل على مدى تشائوم الناس و حسرتهم على كويت ايام زمان
ضيفونى معاكم

a7mad Nabeel said...

الاخت شروق هؤلاء يحتكرون الوطنية لهم و يظنون أن الوطنية بطاقات دعوة يستطيعون أن يوزعوها على من يشاؤن و يحرمونها ممن يشاؤن
هؤلاء يظنون أنهم شعب الله المختار و ستظهر حقيقتهم أولا لأنفسهم لأنهم مخدوعون و ثانيا للناس
تحياتي

Anonymous said...

بلادي و ان جارت على