Sunday, January 30, 2005

صباح الخير يا كويت

ترى السالفة مصخت
إذا وزارة الداخلية مستغنية عن ضباطها إحنا ما نستغني لا عنهم ولا عن أرواحنا
وإذا الوزير مو قدها خل يستعين بالجيش.. عل وعسى
وإذا سمعته يقول "شرذمة" مرة ثانية راح أروح أنضم شخصيا حق هالشرذمة
الكويت صغيرة وما تتحمل اللي قاعد يصير
الله يرحم البحريني اللي راح في هالعملية
والله يرحم ولد بوحمد
والله يرحمنا ويرزقنا بحكومة سنعة.. قولوا آمين

5 comments:

esetch said...

شروق
منتي ملاحظة إن هالوزير منحوس. كل المصايب إللي تحوش أمن الكويت تكون في عهده مثل الغزو وألحين الإرهاب

nazzal said...

أي سنعه
بنص المعمعه ... حكومتنا راحت تصيد سمك
الاسبوع إللي طاف ... ما دريتي

Shurouq said...

estetch,
المنحوس معروف (الله يساعده ويطول بعمره) بس لا تدخلني بقضية مساس بالذات ... وبعدين آنا لا أؤمن بالنحس والتطير.. غير الموضوع، غير الموضوع :)

،نزال
لا والله ما دريت.. قول لي

nazzal said...

راح إسبوع لعمان "صلاله" حق الحداق
أمس بس وصل
بحكومته واحد إستقال وواحد معلق إستقالته
وأثنين هو يبي الفكه منهم ولا يدانيهم
الجارالله والحمد
ولا يبي يغير شيء
الله لا يغير علينا !!!!

Zaydoun said...

نزال الله يهداك... يمكن راح عمان يسوي سحر متعدد الأغراض، منه يقضي على الإرهاب ومنه يسكت الكويتيين أمهات لسان طويل، ومنه يشكل وزارة جديدة